PROXECTO RECREOS DINÁMICOS E INCLUSIVOS

 Comeza a andar hoxe o "PROXECTO DE PATIOS DINÁMICOS E INCLUSIVOS", unha nova proposta do EQUIPO DE CONVIVENCIA,  que pretende fomentar os hábitos saudables, relacións sociais e a integración entre o noso alumnado. Deixámosvos o proxecto para que o coñezades e animamos ás familias a que apoien aos seus fill@s a participar nel.

CARREIRA SAN SILVESTRE

 O vindeiro día 31 de decembro celebrarase na cidade a "SAN SILVESTRE CORUÑA", a carreira popular que pecha o ano, e pódese participar a partir dos 7 anos. Animánosvos a participar cos peques da casa, en familia, cos amigos.. e despedir o ano dunha forma activa e saudable. Aquí tedes a páxina onde podedes facer a inscripción: PÁXINA WEB

ANIMÁDEVOS!!!!

BALONMANO LÍNEA 21

 Durante esta semana nas clases de Educación Física, recibimos a visita de Toño, Alex, Jorge e Jacobo, que son xogadores e adestradores no  BALONMANO LÍNEA 21. Este é o equipo de balonmano do barrio de Novo Mesoiro e viñeron a dar a coñecer o seu clube e invitar ao alumnado a entrenar con eles. 

Lembrade a importancia da actividade física para a nosa saúde. 

                                                         (Picade para ver máis fotos)

TIRO CON ARCO ADARVE

 Esta semana no colexio tivemos a visita de Luís e Óscar, entrenadores da asociación TIRO CON ARCO ADARVE, para presentarnos o seu deporte e o clube. Aquelas familias que quedaron interesadas en seguir practicando poden contactar no número de teléfono ou email que adxuntamos.

Espero que fora do voso agrado esta nova experiencia enfocada a visibilizar deportes minoritarios e seguir tendo uns Hábitos de vida saudables.

Queremos agradecer a LUÍS e a ÓSCAR polo seu interese e dedicación nesta labor.

MOITAS GRAZAS!!!!

Clicade na foto para ver máis imaxes.

BENVID@S DE NOVO!!!!

 Mañá comezamos o curso 2021/2022 e MESOIRIÑO quere darvos a benvida e aconséllavos que sigades cuns Hábitos de Vida Saudables. Para isto comezamos cunha proposta de "AS MERENDAS DE MESOIRIÑO" para Primaria.

A guía pretende reforzar os bos hábitos alimenticios do alumnado a partir de froita, froitos secos, lácteos e bocadillos saudables e evitar alimentos ultraprocesados (por exceso de azucre e graxas saturadas). A bebida máis saudable sería a auga. 

Esta guía é unha recomendación, NON É OBLIGATORIA e serve para ter múltiples opcións durante a semana. Podedes cambiar de día os alimentos, pero o ideal é traer para as merendas alimentos sans.

BO COMEZO DE CURSO!!!!!!

BO VERÁN

 Rematamos hoxe este curso 2020/2021 e imos de vacacións ata setembro. Pero lembrade non deixar de lado os vosos HÁBITOS SAUDABLES e seguide levando:

• Unha boa alimentación (tomade froitas e verduras habitualmente).
• Ter un bo descanso (durmir entre 9-10 horas).
• Facede actividade física (saide a xogar ao parque, praias..; montade en bici, patinete, monopatíns..).

MESOIRIÑO quere que o pasedes moi ben e espéravos á volta de vacacións con novas propostas.

              

PROXECTO ANCAS

    Comezamos un novo Proxecto este tramo final de curso, coa idea de implantalo o curso 2021/2022. Trátase do PROXECTO ANCAS (asociación de nenos camiñantes por un ambiente sostible e seguro) impulsado polo concello de A Coruña e Stop Accidentes.

    Esta é unha iniciativa educativa que incorpora a práctica de hábitos saudables e valores de convivencia a través de pautas de seguridade vial, para lograr un entorno urbano máis saudable, seguro e sostible na nosa cidade.

    Pretenden establecer recorridos escolares seguros, evitar uso de vehículos e promover o desprazamentos andando ou en bici de forma autónoma.

    Para isto instalamos un APARCADOIRO DE BICIS (o carón da porta de entrada ao colexio), orientado para o alumnado de 5º e 6º (se algunha familia de outros cursos está interesada pode facer uso igualmente). Se algunha familia desexa empregar este servicio poñédevos en contacto, indicando nome e curso do alumn@, no correo:

 

                                            ceip.novomesoiro@edu.xunta.gal