CHARLA E DE TALLER NUTRICIÓN

 Os xoves 2 e 9 de maio tivemos no centro unha CHARLA E TALLER DE NUTRICIÓN respectivamente, para 3º e 4º de Educación Primaria. Desde o centro estamos concienciados da importancia que ten a alimentación na saúde do noso alumnado e en colaboración co C.S. Mesoiro e en particular coa súa nutricionista María del Sol Pérez Iglesias, levamos a cabo esta actividade que pretendemos manter nos próximos cursos.

    Queremos agradecer o traballo nas charlas e talleres das enfermeiras dos C.S. Novo Mesoiro e Elviña Laura Vieira, Raquel Filgueira, Sara Becerra e Maite Crende.

O alumnado aprendeu a importancia do Plato Harvard, ler as etiquetas dos alimentos, a roda de alimentos, coñecer o azucre oculto e condutas a evitar na alimentación.

MOITAS GRAZAS AO PERSOAL DO C.S. MESOIRO!!

(Melloremos xuntos a saúde da poboación)

                (Picade na imaxe)

JUDO XIMNASIO FIBRA

 Durante a semana pasada e esta, pasaron polo centro entrenadores do XIMNASIO CLUB FIBRA DE JUDO, para ensinar os valores do seu deporte para o alumnado de 1º a 5º de Educación Primaria.

Aprendimos que o Judo é unha disciplina deportiva que desenvolve a nosa forza, flexibilidade, resistencia, capacidade de concentración, velocidade...

Deixamos unha serie de fotos picando na imaxe e queremos agradecer a Jose Gacio e Nicolás Patiño    a súa dedicación.

ANIMÁDEVOS A PROBAR!!!

CHARLA PRIMEIROS AUXILIOS

  Hoxe os cursos de 5º e 6º de Educación Primaria, tiveron a visita de Federico De La Fuente (Xefe de Protección Civil de A Coruña), para dar unha charla de "PRIMEIROS AUXILIOS" e aprendimos a:

• Maniobra de Heimlich: o alumnado de 5º.
• RCP (Reanimación cardio pulmonar): o alumnado de 6º.

Esperemos que o alumnado aprendera a como actuar nun caso de emerxencia, deixamos unha fotos picando na imaxe.

CARREIRA ALTERNATIVA

 Este domingo 28 de abril celébrase ás 11:00 na Praza de María Pita,  a XXIX CARREIRA ALTERNATIVA. Pódese facer andando, correndo, en bici, patíns, patinetes, cadeira de rodas... e haberá diversas actividades. Déixovos a información por se é do voso interese.

É unha actividade de balde e de inscrición non obrigatoria!!!

100TOLOS CLUB DE ESGRIMA

 Esta semana e a próxima, teremos a presenza nas clases de Educación física de 2° a 6° de Primaria, de  100TOLOS CLUB DE ESGRIMA. O alumnado coñeceu máis sobre este deporte olímpico de orixe español e foron invitados a probar un mes de balde neste deporte. 

Queremos agradecer ao clube a súa dedicación.

(Deixamos  unha serie de fotos picando na imaxe )

DÍA MUNDIAL DA SAÚDE

 O día 7 de abril, celebrouse o DÍA MUNDIAL DA SAÚDE, dentro do centro queremos resaltar a importancia da alimentación, exercicio e descanso na saúde do noso alumnado. Tamén queremos concienciar sobre o tempo de uso das pantallas e por iso  compartimos coa comunidade educativa este vídeo do Doutor Borja Bandera.

CIRCUÍTO DE CARREIRAS POPULARES CORUÑA CORRE

 Desde o Concello da Coruña infórmannos que está aberto o prazo de inscrición na XI Edición do Circuíto de Carreiras Populares Coruña Corre.

 

As persoas interesadas poden participar no conxunto das sete carreiras ou apuntarse de maneira individual. A inscrición de menores é de balde.

 

O Circuíto comezará o vindeiro sábado 23 de marzo coa XII Carreira Popular da Torre, esta proba volverá contar cunha andaina conmemorativa polo día da Muller.

 

Deixamos o enlace para a inscrición. (Picade na imaxe)