III CARREIRA SOLIDARIA

 Hoxe 30 de xaneiro, DÍA ESCOLAR DA NON VIOLENCIA E A PAZ, fixemos unha carreira solidaria a favor da ONGD "Por qué non?".  Desde o centro, queremos agradecer a colaboración da asociación, o esforzo do alumnado e as aportacións das familias.

 Durante a carreira estiveron Lorena en representación da asociación e Cecy, a primeira bolseira universitaria que ven de Guatemala a realizar as súas prácticas de enfermería na nosa cidade.

    Con estas actividades axudamos a construír un mundo máis xusto.

MOITAS GRAZAS !!!!

(Picade no cartaz)

PARTIDO CRAT RUGBY

Este sábado día 20 de xaneiro ás 16:00 terá lugar no Estadio Universitario do Campus de Elviña un partido de rugby femenino entre o Crat e Salvador. Será a xornada 6ª da Liga Iberdrola, da que as xogadoras locais van líderes. Deixamos o cartaz do partido e as entradas que se poden ensinar no móvil para acceder ao partido.

FORZA CRAT!!!

CHARLA ENKI

 Hoxe tivemos a visita para 6° de dous deportistas da ASOCIACIÓN ENKI. Queremos dar a grazas a Aída, Ángel e Dani por contarnos as súas experiencias.  Dita asociación sen ánimo de lucro axuda a persoas con diversidade funcional a través do deporte e o ocio. Deixamos o enlace a súa páxina web (ENKI), se queredes coñecelos e un album de fotos picando na imaxe.

 MOITAS GRAZAS A ENKI

CAMPAMENTO ESGRIMA 100TOLOS

 O clube de esgrima 100TOLOS realiza un campamento multideportivo durante a primeira semana de xaneiro.

Tedes aquí tedes toda a información.

AGASALLO ACTIVO 2023

  Agora que estamos preto do NADAL, onde tod@s escribiremos unha carta de agasallos aos Reis, Papa Noel ou  o Apalpador...; MESOIRIÑO quérenos dar un consello para que pidamos algún agasallo para levar unha vida activa e saudable. Aquí tedes unhas recomendacións.

CARREIRA SAN SILVESTRE

 O vindeiro día 31 de decembro celebrarase na cidade a "SAN SILVESTRE CORUÑA", a carreira popular que pecha o ano e pódese participar a partir dos 5 anos. Se queredes  participar cos peques da casa, en familia, cos amigos.. e despedir o ano dunha forma activa e saudable tomade nota. Aquí tedes a páxina onde podedes facer a inscripción: PÁXINA WEB

ANIMÁDEVOS!!!!

ROCÓDROMO DE RIAZOR

 O alumnado de 6º de Primaria visitou o Rocódromo de Riazor, da man de AMI (Agrupación de Montañeros Independientes). Dividimos a actividade en dúas partes: unha de escalada  a unha parede de 16 metros e unha charla na que aprendimos un pouco mais sobre os deportes de montaña (alpinismo, himalayismo, escalada, montañismo, esquí...).

Tamén nos falaron dos diferentes tipos de escalada (en rocha, en xeo, urbana, rocódromo..) e coñecimos diferentes materiais que se empregan nestes deportes (chapas, arneses, cordas, mosquetóns, poleas, cascos, piolet, crampón...)

A Agrupación AMI ten un local con rocódromo na rúa Padre Sarmiento 8, entre a Avenida de Finisterre e o parque de Santa Margarita, por si queredes probar e este é o seu contacto 667967227 e a súa páxina web: https://amimontanismo.es/

 A actividade foi subvencionada pola Deputación da Coruña.

Moitas grazas a Agrupación pola actividade e animádevos a probar!!!!

(Picade na imaxe)